لو للغلا مينا.. عيوني مواني
لك يا بَعَد عمْر القصايد وْمِغْليك
ليتك بَعَدْ ما رِحْت رَدّيت ثاني
وِتْشوفني وشلون أسولف واغَنّيك
تجمّعَت كل الهموم بْمكاني
وْحَسّيت في جَمْر الزَعَل من تجافيك
وين انت رايح؟ لا تروح بْزماني
اصبِر قَبِل لا تذبح الحبّ بايديك
اصبر فديتك لو دقايق عَشَاني
على الأقَلْ عطني ثواني أحاكيك
يمكن تحِس بْضيقتِي يوم أعاني
وِتْرِدّ لي بعض الأمل في تلاقيك
يومك جفيت وكل شيٍ جفاني
من ليلة البارح وقلبي يناديك !