سلام لك يا شيخ مزفوف
سلام لك يا حاكم (دبي)
سلام مثنايٍ وْمَرْضوف
من قاصي اللي بالحشا دي
أخَن مِ اللي عمل مديوف
دافه حسين العود والبَي
بو يادِلٍ ينْهَد مَسْفوف
نوره كنور البدر وابهي
ما قِدْ هذوا به قوم (باشوف)
هل بالنميمه عصبة الغي
له منزلٍ عالي عن العوف
ما رابَعْ الدلجين لِخْدَي
ياما سقى عِشَّاقه حْسوف
إن مَر يتخطَّر وْيَمْشي
أسمه تعَدَّى سبعة حْروف
إن كنت به تعلَمْ وتدري
عليه ثوب الستر مرضوف
أكساه لى مِنْعِم وْمضفي