شعر: وهج المشاعر

يا حلم ليتك ما تَعَرَّضْت دربي

ولا سِهِلْ صعب اللقا بين الاثنين

من عقب بعده صار يمّي وقربي

يمناي في يمناه والعين بالعين

حَلَفْت له باعَز غالي وْرَبّي

اللي جمَعْ الاحساس من بين قلبين

أنّه نظَرْ عيني وْقُوتِي وْشِرْبي

ونبض الخفوق اللي يمِد الشرايين

وانّي على فرقاه بان الخطَرْ بي

يشكي وانا اشكي هَمّنا بيننا البين

ياليت ليلي يا ضحى ما غدَرْ بي

عَمَّقْ طعون البعد من بين ضلعين