يا شمسنا اللي نورها عَم الافلاك
المجد متمنّي علوّك رقى لك
الله يعزّك يا (خليفه) ويرعاك
يا فَخْرنا يا ذخرنا في المهالك
أمن الوطن بِرْقَابنا لا عدمناك
كل الشَّعِبْ يا شيخ فدوة عقالك
يا كثر معروفك علينا وحسناك
حتى يمينك ما دَرَتْ عن شمالك
هَمّك على دارك وْهَمّك رعاياك
كن الوطن قلبك وروحك وْبالك
اللي يدوِّر فزعة الخير ينخاك
ما خاب لي صوبك تعنّى وجا لك
يا ويله اللي يعترض خَط ممشاك
هذاك له موعد مع الشَّر حالك
نحنا تحت أمرك والاعمار تفداك
وارواحنا مِنَّا هِديّه حلالك
يا ليت (بوسلطان) نحصي سجاياك
المدح كلّه واقفٍ فوق جالك
لو العَرَبْ في يوم تمشي على خْطاك
إن كان ما شِفْنَا فقيرٍ وْهالك
يا شيخنا يا كم شعوبٍ تمنَّاك
وِلْنَا الشَّرَفْ يا شيخ نحنا رجالك