شعر: وهج المشاعر

هَم الغياب وْهاجِسْ المستحيل الشين

خذَنْ كل ما هو يشْرَحْ البال واضْنَنّه

إلا جا على طاري البعاد أرْهَقْ العينين

دَمْعٍ على سِيْرة هَل الجود هَلّنّه

على نَهْجهم مادام رِزْقي مَعْ الحَيِّين

والاعمَار بِيْد اللي له الحَمْد والمِنّه

وقلبي على طِرْق العلا قايدنّي لين

آخر مداهن يَكْمِله واجب وْسِنّه

أقوله وانا ما اصوغ حرفي على التخمين

براهين من واقع حياتي وْمِبْدنّه

تمنّيت تحقيق الرجا والمحال مْحِيْن

قِدْ لي عوام وكايد الجَرْح مِخْفِنّه

أكظم ولا يدري حشيمٍ جميله دَيْن

عسى والدينه بالرضا تاجَرْ الجَنّه

هَل السلوم الطيبه بالوفا وافين

وكل صادِقٍ رَبّه على الحَق مِهْدِنّه

يا الله يا مِنْجي بطاعَتْك مظلومين

تهَوِّنْ على من قاسي الهَم مِشْقِنّه

ترى العوق لو تخفيه عِمْق الصواب يْبين

وانا بان بي وان قالوا آقول ما اظِنّه

ما وِدّي تشمت بي وتفْرَحْ سعاة البين

هَل كْلِمَاتٍ سَم حِزْني يزيدنّه

وانا الحِزْن من صِغْري قسَمْ خافقي قِسْمين

بخنجر رهيف وحكم قاسي القِدَرْ سَنّه