(سيرين).. يا حَبَّتين القَلْب
هذي المقادير مِنْدَفْعَه
مرّات أحِسّك إليّ أقرَب
مْن الخميس إن بغى الجمعه
ومرّات أشوفك عَلَيّ أصْعَب
من حِزْن ما يَذْرِفْ الدمعه
وش بِيْدي آسَوّي .. المطلَبْ
بعيد.. والطَمْعَه الطَمْعَه
فيني نَهَم أبشَع مْن (أشعب)
لا سولفوا له عن القَصْعَه
لاقلام تكتِبْ، وَلا تشطب
لـ قْرَايَة (رْواية السَبْعَه)
لله.. ما للشهادَه حبّ
للعِلْم.. وش تنفع السِمْعه؟!
لكن إذا جات: يا مَرْحَب
ما دامها للعدو صَفْعَه
والاّ فانا هَمّي أرضيْ الرَبّ
ما ابغي بها قولة: السمْعَه
نلقى بها الأجر، والمكسب
نعرف بها الحَقّ مِ البِدْعه