شعر: عبدالله العصيمي

حبيبي لا توادعني ولا تطري لي الهجران

ما دامك ساكنٍ روحي وطيفك صار وجداني

أنا لك عاشقٍ مِخْلِصْ وانا لك عاشقٍ وَلْهَانْ

يبيع الناس لاجل يْشوف بسمة ثغرك الحاني

طَلَبْتك يا بَعَدْ روحي طَلَبْتك يا أعَز إنسان

دخيلك تلْطِفْ بْحَالي وْترحمني وترعاني

أنا جيتك أمَل عاشق وانا كلّي أمَل واحزان

أبي كلمه من إحساسك تبَدِّدْ كل أحزاني

وابي بسمه من شْفَاتك تخالِطْ بسمة الأعيان

واغَنّي لك بلحن الشوق أعْذَبْ وآخر ألحاني

ولك عهدي وتوثيقه ما ابيع الحب بالنكران

ولا فكَّرْت في هَجْرك ولا فَكَّرْت في ثاني

ومصير اللي موادعني يجي له يوم يلقاني