تعجز معاني الشِّعر يا شيخ تعجز
عن شكرك ويعجز بوصفك لساني
يا (مايد) اللي فيك بالفعل نعتز
بك نفتخر يا شيخ قاصي وداني
لى تستمد الخير من شيخنا الرمز
رمز المحبّه والوفا والأماني
(بو راشد) اللي له مع ا لمجد مِبْرَزْ
الاوَّل اللي ما يضاهيه ثاني
وانته يا (بو مْحَمَّدْ) مِنِهْ وارِثْ الِعز
وْمِنْك الجوايز رَيّحت كل عاني
في مهرجان (دْبَي) اسمك تطرّز
تشجيعكم يا شيخ عَم المكاني
تشجيعكم يا شيخ عَم وتركَّز
بالفِعْل لاصحاب الهجن بالتفاني
ويا بخت من هو وسط الاشواط يحرز
المركز الأوّل لفَتْه التهاني
ويكفيه فَخْر بْشوف وَجْهٍ تَمّيَّز
الطيب فيه وجامع أحلى المعاني
ويكفيه فَخْر مْصَافَحَةْ كَف ينجز
صعب الأمور الأجودي المرحباني