الحب يكْبَرْ ولو هُمْ حاولوا قَمْعه

والبَعْض يا بَعْد عمري فدوة تْرابِكْ

يا من غديتي بعين حْبَيِّبِكْ دَمْعه

ما فارِقَتْني من أوَّلْ يوم بِغْيَابِكْ

من الشِّعِرْ ما بغيت الصيت والسِّمْعه

هَمِّي تجيني حبيبه والشِّعِرْ جابِكْ

جيتي بقَلْبٍ به الأشواق مجتمعه

ومن بَعْد ما مات شِعْر الحب يحيا بِكْ

شاعِرْك ما عاد يسْمَعْ غيرك بْسَمْعه

وما تَمْلي عْيونه إلاَّ رمشة أهدابِكْ