ما يفيد العذر خَل عذرك يفيدك
إذخره عندك لمن يرضى الإهانه
ابْتسِم لي قِلْ لي وش آخر جديدك
غير كذبك واتّجاهك للخيانه
راكد الإحساس لو تشعِلْه بِيْدك
ما يهِزّه شوق أو حرّك كيانه
ما رضى بالظلم في سجنك وقيدك
يا مضيِّعْ في محبّتنا الأمانه
تذكِرْ اللي كان في الماضي عنيدك؟
ساق لك الاشواق من صافي حنانه
من مشاعر دافيه ذوَّبْ جليدك
ولّد الإحساس في قلبك وصانه
يرجو أنّك تقطع الوصل وبريدك
من حياته.. ناوي يْجَدِّدْ زمانه
باختصار أقولها لك (ما أريدك)
لن قلبي ما لقى بْقَلْبك مكانه !