مَعْ السلامه حبيبي عَنِّك مْسَافِرْ

في خاطِرِكْ شَي قبل أرْحَلْ توصِّيني

باكرْ باوادِعْ ثراك وْبَاكِرْ مْهَاجِرْ

ما ادري على وين مجهوله عناويني

تَعَالْ أشوفك قبل لا ينتهي باكر

وِدّي قبل لا أسافرْ تَنْظِرِكْ عيني

نظره أخيره حَدَثْهَا يكْسِرْ الخاطر

واسرارها تِنْدِفِنْ ما بين ضلعيني

باغيب غيبه طويله ما لها آخر

من حَد باكر وحتى آخر سْنيني

قررت أصالِحْ جفون الناظر الساهر

وارمي بدربٍ إلى نارك يوَدِّيْني

ربحان في المسأله والاَّ بَعَدْ خاسر

مِلْك الكرامه ولا مِلْك الملاييني

لا تْلومني لا ذَرَفْت الدمع وِتْنَاثَرْ

أنا قوي واكْبَرْ عْزومي تخاويني

قَرَّبْ رحيلي حبيبي واكْسِرْ الناظر

لا شفتني رِحْت تكفى لا تناديني