الله خَلَقْ في الناس أجناس واجناس
والله فنَدْ من لى جَعَلْ له محبِّين
حَبّه إله العَرْش وْمن بَعْده الناس
شيخٍ رحوبٍ لي في مدحه براهين
بالاسم (مايد) والنِّعِمْ رافِعْ الراس
شيخٍ رقى للعِز به أصْلٍ ودين
نجل الذي حبّه بلا حَد وِقْيَاس
(بوراشد) المعروف بين الملايين
(محمد ابن راشد) عظيم وقوي باس
تاريخ له خالد من سْنين وِسْنين
للحق واهل الحق بالعون نبراس
يثيب للمحتاج بالفعل وِيْعين
للخير مفتاحٍ وللشر ما داس
يحميه رَبّي رَدّدوا الكل آمين
وانته على نهجه يا (مايد) ومن ساس
ساسٍ كريم ومنبته من كريمين
فارس وَلَدْ فارس ولك دوم نوماس
يا معزّبي واحنا معك دوم وافين
لك هيبة.. نشمي خلوقٍ وْحَسَّاس
شِفْنا بعينك للتواضع عناوين
شوفك يزيل الهَم يا شيخ والياس
وِيْريح ياللي من عنا وقته مْحين
لك قلب طيّب صادق ومرهف إحساس
وْغَنَّى لك المزيون سِيْد المزايين
ندعي يصونك رَبّنا خالق الناس
تبقى لنا يا شيخنا سْنين وِسْنين
هذا وأرجو العذر في خَتْم الاطراس
وارجو السموحه في ختام التبايين