إن قلت: من فوق الثريَّا محَلّه؟
قال الوطن: هذا المفَدَّى (خليفه)
القايد اللي مالك الطيب كلّه
العِز له والمجد دايم حليفه
شيخٍ حكيم الراي يشهَد سِجِلّه
نسل القروم أهل النفوس العفيفه
كم نفس في الدنيا تفيّت بظلّه
عون الضعيف وكاسِبْ العِز ضيفه
شيخٍ لبَسْ من أفْخَرْ الجود حِلّه
بحر الندى فوق المزون المنيفه
سيفٍ لنا وقت اللوازم نسِلّه
في وجه من يبغي الشقا والكليفه
واذا بدت من خايب الراي زَلّه
يجني على نفسه ويا حيف حيفه
من قال وين المجد بالله قِلْ له
في دارنا قايد وطَنَّا (خليفه)