شعر: شيمه العنزي

كم تكلَّفْ هاجس الشِعْر بْنواياه ودعاني

بين نبضه واحتماله جيت أهوجِسْ فيه كِلِّي

يورِق أحداق الزهور بْصوت للتغريد ثاني

كَنّ عِشَّاقي حروف أمجادها حبّ وتهلِّي

آه يا كثْر احتجاجي يوم قضَّاني لساني

وآه يا قِلّ السَّحاب اللي مشى من حول ظِلّي

كل صحرا تجمع الشمس احرقت عقد الثواني

وكل رمضا حول قاع الشمس يحرقها التغلّي

يا بَحَرْ جيتك هنا كلِّك تفاصيل ومعاني

دولة الشِّعْر اليباس وفيصل الساحه مِثَلْ لي

قالوا الشِعْر الحداثه قلت أنا الشِعْر وْدهاني

فيه مِنِّي ما يغيب وْفيه مِنِّه ما وصَلْ لي

شاطي أفكاره غريب وْشاطي أفكاري مواني

يوم أحِسّ بْهَجر فَنّه جيت أإمّه ثم أصَلِّي

فوق عرش انساب فصله يوم صاحبني قراني

وانتقيت أحلى مرارة غيم بشراه التجَلِّي

سولفوا ما عاد انا اللّي كل من يصبِحْ مساني

نور واشْرَقْت القصيد وغيهبه خَلّه يولِّي