(زايد) المرحوم عايش لايزال

له صدى ما بين عربانه وْمَيْت

إسْكنه يا رب في ريف وْظِلال

وامنحه في جنّة الفردوس بيت

لك فضل باقي علينا ما يحال

كم بذَلْت وكم مَدّيت وْعطيت

نذْكِرِكْ دايم ونسيانك محال

والرمل والسيح يَذْكِرْك وْ(حفيت)

النّساء ينْعن فراقك والرجال

والعَرَبْ باللي لهم علمك هديت

الفَرَحْ وَلَّى وصار السعد لال

والدَّمِعْ ينهال لى مِنّك طريت

والله انّك في ذِكِرْنَا والخيال

في صميم القلب يا (زايد) سريت