كنت وحدك قَدّ ما.. كان المسا هذا حقير
وَجْه واضح في الغموض وْوَجه غامض في الوضوح
كنت راكِد مضطرب مزحوم باوراقك كثير
في عيونك.. من غيوم الوَقْت مستقبل شحوح
صارما بينك وبينك! شيّ لا يمكن يصير
صرْت لا مغنى وَلا معنى.. وَلا حتى طموح
تسأل التهميش ليه تْعيش في تهميش غير؟
روح ما فيها جسَد.. ما ادري جسَد ما فيه روح!!
آتّفَجَّرْ كلما شفْت العصا خانَت ضرير
يعني. مفتاح السهر مشدود في باب الجروح
لا صباح النور نُور وْلا صباح الخير خَير
كانت أعشاب وطفَتْ راس اللسان اللي يبوح
أيه من ياسك حزين وْحزنك الليله خطير
والحمَام اللي على بِالك.. على باِلك ينوح..!
كنت وحدي قَدّ ما كان الطريق بْلا مصير
موطني غامض وانا باقي على ايّام الوضوح