حَيّ العلوم اللى توالى

رحَّبْ بها الخاطر وْهَلاّ

ترحيبةٍ .. ماها زلالا

عَتّقتها من دهر وَلَّى

تمزاجها نرجس وْهَالا

ترحيبةٍ .. ما تزبِنْ إلاَّ

كريم من عَمٍ وخالا

(حمدان) يا بَدْرٍ تجلَّى

أسْفَرْ على الدار وْتلالا

إن قِيْل مثله .. قِلْت: كَلا

ّوان قِيْل غيره .. قِلْت: لالا

شيخٍ عليه العهد يولى

كامل .. ولله الكمالا

طِرْق المعالي به تعَلَّى

وِيْزيدها قدر وْجَلالا

جَزْل إن قِصَدْ و ان مَدّ جَزْلا

يمنى مكارمها عجالى

مثل السحاب إذا استهلاَّ

رحمه من الباري تعالى

الصعب له ينقاد سَهْلا

ما في قواميسه محالا

له عين في الحاسِد تملاّ

وِتْرِدّ حِسَّاده جَهَالا

يَعْل ا لحسود يْموت غِلاّ

من ويج نيرانٍ تصالى

وْيَعْل العنود اللي تغَلَّى

لى كلّها حِسْن وْ دَلالا

الكاعب .. الشَّهْد المحَلَّى

لميا .. نواظرها كسالى

إذا خْزَرَتْ بِعْيون شَهْلا

خَلّت عباد الله ثمالى

يعلّها تَصْدِفْك .. والاّ

تصدِفْ طيوفك في الخيالا

عَشَانْ ما ترجَعْ تبَلَّى

على العباد ولا تَعَالى!!