سيف الشَّرَفْ مَحْلاه في كف (مايد)
سيف الشرف لاهل الشرف والقياده
يا شيخنا مبروك قِدْ لك عوايد
دايم تحب الفوز يا شيخ عاده
يا شيخ يا اللي دوم للفوز رايد
الاوَّل أخَذْت وبالتفوّق شهاده
يا مرحبا واهلين من جيت عايد
مليار ثم مليار واكثر زياده
وْشَعَّار قالوا في سموّك قصايد
كلٍ يحس بْفَرْحتك والسعاده
نلت الشرف والعِز بعد الشدايد
يا ناس فاز الشيخ بعد اجتهاده
المجد (مايد) حاز كل الشهايد
علّمه (أبو راشد) بكل الإراده
(محمد المكتوم) يا خير قايد
في مصلحتنا ما تهنَّى رقاده
واستبشري يا دار بانجاز (مايد)
كلٍ يهنّى يوم حَقَّقْ مراده
وِوْصيّة الجدّين (راشد) و(زايد)
كل من تغَرَّبْ هو يمثِّل بلاده
سيف الشَّرَفْ شفناه في كف (مايد)
يحفظه رب الكون خالق عباده