خَلْني أعاني مِنْك ليله واسَهّرْك

وْخَلّ الحزِن يسكِن ضلوعي وعيني

خَلّ النوايا في عيوني تِبَرِّرْك

يا أطْيَبْ مْن الطيب .. بيني وبيني

هِز الكيان وحَرّك إحساس شاعِرْك

كثِّر جروح القلب .. بَعْثِر سنيني

خَلْني أحِسّ بْنَبْض شوقك وابَعثِرْك

بين الحنايا .. وارتويك بْحنيني

خَلْني أعَرْفك يوم واحياناً أنْكِرْك

واشتاق لك واقول ما ابغي تجيني

وْخَلْني بعض الاحيان أنساك .. واذكِرْك

واقسى عليك بْقَلْب يقسى ويليني

أبغي أكون حْروف سَطْرِك ودَفْتَرْك

كلْ ما فتحت كْتاب تلمَح جبيني

وابغي اكون فْـ دنْيِتِكْ مِلْح سِكَّرْك

واحيا على لَمْسَةْ يديك بْيديني