يا هاجس الشِّعر غَن وبالفعل شايد

خَل المعاني بروح المجد مِنْهَلّه

للسيف (مايد) وهو له بالفعل مايد

يابه من الغَرْب راع المجد واستلّه

لو كان كايد على (مايد) ما هو بْكايد

تاريخ (أبو راشد) إييبه على حِلّه

القايد اللي لتوجيه العَرَبْ قايد

(مايد) خَذا مِنْه بعض وْصوف مندلّه

قو العزيمه على ذب العلا النايد

يستاهل السَّيْف من ناله وْمن شَلّه

سيف الشَّرَفْ والشَّرَفْ من ساسه الرايد

من هامة العود له تاريخ بِسْجِلّه

إخْذ الوكايد ماهوب بْشَف وِمْحايد

إنّه على الكون ما يوجد وزينٍ له

خَلّك يا (مايد) على يمناه وِسْنايد

خِذْ من علومه وفي ما قاله إفْطِنْ له

كل الفوايد شموخ الشامخ الفايد

يا (بو محمَّد) على شَفّه تحمَّل له

واقبل تحيّةْ محبٍ مخلصٍ شايد

بالصوت غَنَّى وما في خاطره هَلّ