يا شاغلين القلب بالروف

داروا على من هو يباكم

هجرت لو جَدَّتْ بك ظْروف

آسِج واسأل عن نباكم

العين ترفض غيرك تْشوف

أغلى من الغالي غلاكم

اسمك نَحَتْ في روحي حْروف

كِلّي لكم وانا بْرجَاكم

أرجوك طالِعْ جاشي وْشوف

قَدِّرْ بْعينك مستواكم

لو للمحبّه حَق مَعْروف

أكيد أنا باكْسبْ رضاكم

لكن يا ممدوح اْلِوْصوف

الكون ينْوِرْ من ضياكم

كَنّ بْجبينك ضَي مَكْشوف

البدر من نوره عطاكم

واذا بغيت آجيك والوف

مْسَيِّرْ وقاصِدْ حماكم

حِسَّاد لي يا سِيْدي وْقوف

مبلاي رَبِّي لا بلاكم !