شعر: رده السفياني

إن كان ما هذا الغَلَطْ منّي عليك يْرِدّني

ما رَدّني حبّك وَلا لك رَدّني دَمْعٍ ذَرَفْ

عَلِّقْني بصَمْتِك على جفْن الجروح وْشِدّني

واكتبني أوّل من بغلطاته تباهى واعتَرَفْ

عِدّ الغَلَطْ مفتاح شبّاك البياض وعِدّني

مفتاح قلبك كلّما قلبك تهيّا وانجَرَفْ

اشْرِع صباح الغيّ فيك وْفيك للغَيّ اهدني

تقدَر.. وهذا بَرْق وسمي لك تِيَمَّمْ وانْصَرَفْ

صمتي يسِدّك وانكسار البوح فيك يْسِدّني

يعني جمَعْت أقصى طَرَفْ لاوجاعنا باقصى طَرَفْ

من غيرك أجْمَل؟! وانت وحدك في الشتات تْوِدّني

من غيرك أكمَل؟! وانت جَرْح وكثرة جْروحي تَرَفْ!