يا زاير (دْبي) شوف (دْبي) مَحْلاها
هي دانةٍ يا ملا مَحْلا شواطيها
هذي عروس الخليج اللي تمنّاها
تزهي بلبسٍ كساها الرب عاطيها
في «مهرجان التسوّق» شِفْت روياها
ياما حَلا (دْبي) في حفلة نواديها
بَرِّجْ بعينك تبصَّرْ يوم تنصاها
تِسْتَوْقِفِكْ بين حاضرها وماضيها
ترتاح مِ الهَم تتنفَّس من شْذاها
فوعه من الوَرْد يوم يْطيح ناديها
وان سِرْت دارك بتذكر ما بتنساها
تشرَقْ بها يوم تذكرها وتطريها
دار الملايين والرحمن يرعاها
من فضل لي دايمٍ فضله يباريها
(محمد) الفَذ لى بالخير غذّاها
يمد يمناه ما يحاتي مساعيها
شهمٍ تعلّى على العليا وْعَلاّها
راياته اللي ترفرف في نواحيها
الفارس اللي لفت الانظار واجراها
للمجد خيله كأن الأرض يطويها
تمّت وصلّوا عدد ما هَب شرتاها
واعداد ما هلّت الأمطار تسجيها