يا سيّدي حبّك تشرّب بدمّي
حبٍ تميّز عن جميع الوصوفي
حبّي وفا ما هوب حبّي تنمّي
ضلعي على صادق غلاك مْعَطوفي
أحب فيك أوصاف ما هي تلمّي
في شخص غيرك حسب سمعي وشوفي
حب الوطن والشَّعب به تستهمّي
وتكبر إذا كبْرَتْ عليك الصفوفي
شمٍ تعلّى ما اتّعلاه شمّي
لو نِعْم عند أسمك مجال ووقوفي
يا جَم يروي لى صَلَدْ كل جَمّي
عِد الشهامه والجميل مْعَروفي
وإن صار في صلفات الاريا تحمّي
تصمل وتقوى بك ضعاف الشفوفي
رايد بعيد أهداف والفكر عمّي
عِلْم الحياة وملهمات الصدوفي
وان صار لاصحاب الشهامه تسمّي
تسمى بها في كل شتّى الظروفي
قايد وفي عِلْم القياده ملمّي
دليل راي ومثل ما قلت توفي
بحر الكَرَمْ غزره بموجه مطمّي
ينصاه لى يشكي من الوقت حوفي
فضله على شعب الجزيره يعمّي
مثل المطر يحيي الهشيم الكسوفي
يجلي هموم اللي به الوقت هَمّي
ملجا اليتيم وملتجى للضغوفي
هذا الغلا لى عَم جوفي بدمّي
ينبض بشرياني ويحماه جوفي
شعر: محمد بن مصلح