هنا.. ك

من هناك اللي قَبِل يصْبِح (هناك)

كان فيّ هْنَا وكان اسمه هِنا

جا يقوْل لي: أنت وآخرها معاك؟

قلت: مِثْل اوَّلْ! وقال: الله لنا

قلت: يعني؟! قال: يعني اللي خذاك..

وقمت أغَنّي لو ماْ انا راعي غِنا

قال: أباعْرِف بَسّ قِلْ لي وش عطاك

فوق ما أعطيتك أنا؟.. ردّيت: أنا

ضِحْك قال: أبْشِرْ ترى الرجّال جاك

من هِنا، واشَّرْ علَيّ، إلى هِنا

قلت: تبغي الصدق؟ طالَعْ بارتياك

هَزّ راسه إيه.. وبْلهفه دنا

قلت: تايه.. من غلاه إلى غلاك

ما اقدر أجْمَعْكم وَلا عَنْكم غِنى

يوم اكون هْنا بُودّي انّي هناك

ويوم اكون هْنَاك ودّي انّي هنا!!

شعر: علي السبعان