حاقد وْمِتْكَبِّر تِبسِّمْك شِ يْفيد

تستكثر بليل الدجى نور شمعه

تضحك وقلبك منشغل كيد في كيد

أعميت عين القلب واغفلت سمعه

تنظر بعين الشَّك للغير وِتْزيد

وتحسب نوايا الغير شرواك بشعه

ما تردعك شِدّه ولا طيبه تْفيد

ما تسعدك فرحه ولا تْهِز دمعه

أصبحت هَمّك لاقْرَبْ الناس تنكيد

سوّيت من جَرْح المحبّين سِمْعه

انته بحر غِلٍ يغذّيك تاكيد

مزروع في نفسك مِ الاحقاد نزعه

إلْزمْ حدودك كانك تحب وِتْريد

والاَّ تْبَعَّدْ غِيْب من دون رجعه

قبلي وقبلك قالها الوقت يا سِيْد

(كلٍ يشوف الناس بِعْيون طبعه)