ريضان قلبي من سحايِبْك
شِ اللي مَنَعْهَا.. صاحبي خير؟
سهران واتلمَّسْ هبايِبْك
يا مْرتِّل أشعاري على الطير
الناس شافَتْ بي عجايِبْك
تبغي على التبيان تفسير
قالت: بَعَدْك تْحِب غايبْك
وِتْغَالِطْ لْساني تعابير
وِيْبَان لي في الناس عايِبْك
وانا تعاندني تدابير
وهذاك كلّه من سبايِبْك
يوم انحسب مسعاي تقصير
خِذْني وقلبي في طلايِبْك
يرضيك حالي في مخاسير
ما شفت لي في الحب نايِبْك
ومثلي فلا بتشوف لك غير