شعر: سعيد مبارك المزروعي

أعْلى مِن التكريم قَدْرِك ومعناك

وَهذا الكَرَمْ مِن شِيخِنَا نَفْتِخِر بِه

ياللى بِنَى اْلِبْلاد برْجَال شَرْوَاك

إنْته يَا (بُو فارِس) لِذي نَبْتهِج بِه

رَجْلٍ وَلَدْ رَجْلٍ لك الجَدْ هَذاك

لى عَاصَرْ الشَّدَات وانْتِه عَ دربه

مَا غَرّتِه دِنْياه وَلا هْو بضَحَّاك

حَازم عزيز القُومِ في وِسْطْ عُرْبه

وانْتِه الفَتَى فِينا ويَا حَي مَمْشَاك

وَاضِعْ هدَفْ سَامِي وَمحْدٍ حَلَمْ به

مَحمد المَكتُوم هُو رمز جَدْواك

هُو رَافِعْ الرَّيَات شَعْبِه يِحِبه

وانا أهَنِّي شَخْصُكُم وِاللي وْيَاك

والْلِي رقَى العَلْيا نحن نفتخرْ بِه

كِلْ العَرَبْ تِحْلَم بشَخْصٍ له إدْراك

شروات (بُو راشِدْ) كسَبْ حب شَعْبِه