بدار الغَرْب والطليان رفَعْ راس العَرَبْ فِعْلاً
رفَعْ راس العَرَبْ (مايد بن محمد) رفيع الشان
ورفَعْها راية بْلاده رفَعْها للملا واعلن
على انّه الاوّل الاوّل نَعَمْ ما بين كم فرسان
وانا ما الوم لو (مايد) على الأول ترى تْمَكَّنْ
لأنّه شبل من ذاك الأسد (بو راشد) الربّان
أبوه مْحَمَّد الوافي يلى التاريخ له دَوَّنْ
سجلٍ حافلٍ والله بفعله فارس الميدان
إذا عَزَّمْ على شيٍ (أبو راشد) فلا هَوَّن
يفك الصعب بِعْزومه شجاعٍ من نسل شجعان
كريمٍ وانجب أكرامٍ شراته بالطبع فِعْلاً
وْنِعْم التربيه فيهم عسى يحفظهم الرحمن
وانا من فَرْحتي هاضت بيوت الشِّعر وانهلَّن
على فوز لْسمو (الشيخ مايد) في أوروبّا حان