أنا تعصف بي الدنيا وتاخذني متاهاتي
واجاهد عبرةٍ حنّت على ذكرى مواجعْها
كثير الصَبْر وآلامه عجَز.. ما حَلّ مأساتي
(خيانة) من خذا عقلي فؤادي ما توقّعْها
أهيم بْمَاضيٍ قِدْ فات واستَرْجِع ملفّاتي
وارتّب صفحة الماضي والَمْلِمْهَا واراجِعْها
أخَبّي واهج جْروحي وَلا ابيّن معاناتي
سعادة حَظّي الهايم أجامل وآتصنّعْها
حسافه كيف أنا باسلى وْجَرْحي في وِسِطْ ذاتي
وعيني لا تذكّرْتِه غَصِبْ هَلَّتْ مدامِعْها
تدمّر خافقي كلّه وخانت فِيّ هَقْواتي
وهذي دنيتي خانت وانا اجاري واطاوِعْها
ألا يا خاين العِشْره حِرَقْت القلب بِسْكاتي
غريبه بعْض هالعالم عجزت أعْرِفْ طبايْعها.