سلامٍ أحلى من فياض المسيله
وأغلى من اللي قالها قبل قايل
واحلى من زْهور الرياض الخميله
لأْم الشيوخ اللي كَسَتْنَا الجمايل
من كل شخصٍ ينتمي للقبيله
ومن كل فَرْدٍ من عيال الحمايل
ومن خافقٍ خَلَّى القوافي وسيله
دوَّن شعورٍ تحتويه المثايل
جات الجميله من كفوف الأصيله
بنت الشيوخ اللي لها الذِكر طايل
يا بارقٍ عين المواطن تخيله
يا بلسَمٍ يشفي القلوب الغلايل
انتي زمام المكرمه والفضيله
يومٍ تعذَّرْ بالزمان الوسايل
عِزٍ يقوله كل جيلٍ لجيله
مثل (أم راشد) في وطَنّا قلايل
في ظل كَسَّاب العلوم الجميله
خيّال حُمر مْدَرَّباتٍ أصايل
تاريخنا اللّي له مواقف جليله
صانه عريب الجدّ ذرب الفعايل
هذا (محمّد) له مواقف جزيله
ساس الجدود الطيِّبين الأوايل
دمتوا لنا عِزٍ حَلَفْنا نشيله
ما دامنا فوق البسيطه نخايل
*شعر: مي الحبابي ـ دولة قطر