شعر: بذرة غلا

هذا وقتك أدري مِلْكِكْ ما مَلَكْتِه

ما جبَرْتك أمتلِك وقتك شوَيْ

بسْ فيني قلْب لاحساسك وَهَبْته

اهتمامك فيه ما يْضرّك بشَيْ

وش يحنِّنْ قلب ما عمري هزمته؟

وش يخفِّفْ قسوته مَرَّه عَلَيْ

إذكر ان الحب يوم إنّك زرَعْتِه

ما يبي منّك سوى (فَيٍ) وْرَيّ

واذكره قلبٍ يبي قلبك جرحته

إيهْ ترَكْته بس هو ما زال حَيّ

إن بعَدْت اليوم أنا قلبي بعَدْته

ولو تجي.. هذا الهوى ما عاد لي

أنسى إحساسي إلى منّك ذكَرْته

وانسى حبّي.. وانسى يدّك في يدي

بِعْت قلبي.. للأسف.. لا لا.. خذَلْته

إبْتِعِدْ وانساه.. إنْسى كل شي

هذا وقتك إمتلكته.. ما امتلكته

ما أبي من دنيتك حتى شوَيْ.