يا مؤرِّخْ التاريخ عن مجد الانجاب

إقرا كتاب المجد مجد السنافي

إقرا ولا تقرا عقب متنه كْتاب

يغنيك عن باقي الكتِبْ والقوافي

نورٍ على نورٍ على تاج الالباب

نبراس للأمّه وبالعِلْم وافي

له نظرةٍ منْهَا الزمن والفكر شاب

غَيَّرْ بها التاريخ والغير غافي

العبقريّ اللي جَنَى خير الالقاب

القايد اللي كل حكمه عوافي

فكر التميّز فاتحٍ للعَرَبْ باب

لاجل العَرَب بيض البيارق توافي

إذا عطت يمناه ما يحسِبْ حْسَاب

جوده زلالٍ سلسبيلٍ وصافي

حلمه يلمّ الشَّمل ما بين الاصحاب

نبقى على مَر الدهر في تصافي

أرَدِّد (مْحَمَّد) وانا كِلّي اعجاب

وازيد به عَزْمي ولا اقول كافي

الله أكْبَرْ جاد به رب الارباب

ما كَنّه إلاَّ (زايد) الخير لافي