وحدي.. مَعَ القريه اتأمّل فروع الشَجَر

كيف آتعرّى وخيطان الشَجَنْ وارفه

آقبِّل التربه الحمرا واشمّ المدَر

وآحسّ بالبَرْد جايب لي معه سالفه

ما اخون! يا حرمة القريَه، وهذي البشر..

تخون بعيونها حزنِك وهي عارفه

صحّاك تهليل شيبانك صلاة الفجر

وهدهَدْك مرجيحة اطفال وحضِن عاطفه

على (الأتاريك) لا صحّاك ليل المطر

يوم الشبابيك تشهَق زفرة العاصفه

وآخوي الاكبر يغيب ويبتلعْه السفر

وان جا يخبّي الحزِن حِزْنه وانا شايفه