في تلايا الليل باخفي وَنّتي
أرقّتني والملا باتوا أذهال
الشِّعر عندي يلبّي مطلبي
وانتجي من صافي حروف الامثال
شَلّها بِعْزومها شَلّة رِهِي
صاحب الطولات لى بالحمل شال
واصبحت في دارها واطي نبي
أنورت وابراجها سَوَّنْ ظلال
جَنّةٍ روضات فيها تستوي
لى هواها منْك يشرح كل بال
اظهرن مثل الدمن لى ميفلّي
يا بنات (دبي) يا سِيْد الجمال
واظهرن شروات ولد السولعي
لي معيد ورابيٍ فوق الرمال
الشَّعَر فوق المضمّر يلتوي
والعيون اللي دعاياهن اثلال
في خدوده ما حلاة العقربي
نايفٍ عوده وزاهي بالدلال