أطباع من (راشد) و(راشد) زَرَعْ فيه

حب الوطن واوصاف (زايد) عِشِقْته

وقت الشدايد في اللوازم تلاقيه

حاضر وْقِدّام البيارِقْ نَشِرْته

حاز المعاني مذهبه في معانيه

منساب مِ الجِدَّان ماخِذْ نَهِجْته

وحلم المروّه والشهامه تجاريه

تفخر وتتباهى بشيمة نَخوْته

ومنوى المعزّه ترتعي من مراعيه

تمرَحْ وتستظلل بطيبة رِبِعْته

والجود عَيّا من سخاته يزاغيه

عيّا يواكب خطوته في شَبِحْته

مِنْه الشهامه تغتذي ما تغذّيه

واثر الذرابه قبضها من جَنِعْته

فارس عَرَبْنا والمراجل تخاويه

شاعر ودوّت من صداها كِلِمْته

حاكم حكيم وللمعالي تجدّيه

فطنه وَرَثْها والزعامه مِهِرْته

والجاه يا اهل الجاه تفخر كراسيه

ما دام (بوراشد) ترأّس جَلِسْته

والكل يا اهل الخير بالخير يطريه

أطغت على جمع البريّه سِمِعْته

ما من فراغ يْشيع ويذيع طاريه

إلاّ بْصَنايع جودها من فِعِلْته

الفعل بَيِّنْ والوكالات تنبيه

هذا وزهو (دبي) يشهد نَهِضْته

وازف لاجل الشعب بشرى واهنّيه

قاموس (زايد) في (محمّد) نِسِخْته

حشيم (بوجاسم) عسى الله يخلّيه

فضل الكريم ومن وهايب نِعِمْته

ريت الوصايف جلّها ما توفّيه

حقّه واخاف إنّي بخست وْظَلَمْته

أفضيت ما بين المشاعر وبانهيه

نظمي يا وجه الخير تَمّ وخِتَمْته