مِدْهمات السحب عَ الدوله سكايب
من ديار الغرب والمَطْره عجيبه
فيه فوز وفيه ناموس وكسايب
فعل شيخٍ دايم الطوله نصيبه
وِفْرحت دار العَرَبْ شِبٍ وشايب
وكل فعلٍ يا شهم طيبٍ تجيبه
لك أبو يا شيخ يتحدّى الصعايب
والخصال الطيّبه ما هي غريبه
إن وثب عَ الخيل وان شَد الركَايب
تنطرب لى من ركبها تِنْتشي به
لى اجنحت للسِّلْم وان قالوا حرايب
موقفه شامخ ولا حَدٍ يصيبه
وانت يا شبل الأسد له صرت نايب
لك تهون المعضلات اللي صعيبه
دايم الناموس بك يزهى وطايب
يفتخر لى صار شخصك يزدهي به
وانشلن ميدول يا سمر الهدايب
وغَنّن لْشيخٍ كسَبْ سمعه وهيبه