من فوزنا فازت (الامارات) و(دبي)
وفرساننا دايم فعلهم نواير
اللي مضى واللي على مْبَاشِرٍ حي
على بنات الرّيح قبٍ ضماير
سِهْج الريادي تنطوي تَحْتَها طي
مثل الجموع اللي على جَمْع غاير
نادِر حدث في مجتمع مسرح الغي
إنجاز ما قبله بَعَدْ شي صاير
خَل الأمور السالفه والتنبّي
انظر وجود مْحَكّمات البصاير
فارس عَرَبْنا كل ما راد يَرْهي
وتجيك من فعله جميع البشاير
لى ساد ماد بْها تنحّى تنحّي
يدرك صمود مْحَصّنات الجداير
الشامخات النايفات التعلّي
من راوَز العليا تِبَنَّى النصاير
يا راسم التاريخ عطني نبا مَيّ
عِز الأمور تصير ضِدّ العباير