أسمى التهاني بوَرْد الشِّعر ولْحونه

ورودها يانعه باحساس كاتبها

أصوغ له من صحيح الفكر مضمونه

أبيات شِعْرٍ تقدّم وقت واجبها

عذب التهاني بنظم الشِّعر وِفْنونه

مكاسب اللى له العليا مكاسبها

يا مَكْثَرْ اللي بَعَدْ مثلي يهنّونه

والتهنيه تنهدى بافعال صاحبها

شيخٍ أهدافه بعيد ولا قصَرْ دونه

عَ شاطي المجد ترسي به مراكبها

تمّ إختياره ما هوب بْشَفّ يعطونه

شخصيّة العِلْم لى جفّت مشاربها

على التعاليم ياما تسهر عْيونه

وفي صحّة الناس نفسه كم يتعبها

وفن الرياضه بها شبّان مفتونه

يبذِلْ عليها ولا يحسب محاسبها

(حمدان) روح الوطن باحساسه وكونه

وتجارب المعرفه ماخِذْ تجاربها

مهما هدوا له بفعله ما يوفّونه

والعالميّه تجي للى يناسبها

النادر اللى بفعل الطيب يطرونه

مواقف الخير طبعه ما يجنّبها

شيوخناً مجد عِز وللوطن عونه

السمعه الطيّبه حَثَّوا ركايبها

خلّوه معروف للي ما يعَرْفونه

حلاّلة الصعب لى نشبت نشايبها

حامينه أجدادهم واليوم يحمونه

باعلى المراتب تعَلّوا به مراتبها

من جد ياجد وحسب الفعل يعطونه

ويحقِّقْ الله هوى نفسه مطالبها

واقول مبروك لك من نفس مَمْنونه

يا قمّة المدح تسْلَمْ وانت صاحبها