غزوة زمن

يا مِدّعي الطيب فيك الناس مغشوشه

واللي يشوفك يقول طْوير في عِشّه

ما كل رزقٍ لغيرك تقْدَر تْحوشه

ولا كل من تلتقي به سَهْلٍ تْغِشّه

كم صادَفتْني وجوهٍ دوم مَبْشوشه

وهي من وراها أفاعي الخِبْث مِنْخَشّه

النَجْم عالي وكنّك تبغي تْنُوشه

والاّ الجبل ناويٍ بيْدينك تْهِشّه

ما هَمّني لى تغِرّه كثْرَة قْروشه

من كان مثلك مَلِك بالجندي آكِشّه

ترى الزمَن لى غزا ما تَرْحَمْ جْيوشه

يلْتف حول الفتى وِبْلحظه يْحِشّه

غلطان لى قال عنّك فَرْخ قرموشه

انت الغراب الذي غَرّه علُو عِشّه