أوَدّعك ما اشوف وجهك على خير
فيني انتفاضه تَبْعِدِكْ غصب واكْثَرْ
أرجوك تسْمَحْ لي على كل تغيير
ما هو بكيفي كيف مقياس (رختر)
زلزال هَز الأرض هَز البواتير
حَط (البَحَرْ الابيض) على (البحر الاحمر)
المسأله ما تحتمِل أي تأخير
تشبه على ما قِيْل حكم المقَدَّرْ
هذا طريقك روح والْعَبْ على الغير
وان كنت تقصدني ترى غيرك أشْطَرْ
لا تْغِرِّك الطيبه والاخلاق يا صْغير
قلبي مثل قلب (الزناتي) وْ(عنتر)
عقلي عقل (سقراط) واشْجَعْ من (الزير)
واقْبَضْ على الموضوع قبْضَةْ (غضنفر)
ما احب تعطيني على الغدر تبرير
عِطْني المقفَّى وانت رايع وتشكر
على مين يعني مسرحيّة (شكسبير)
خلاص مات الورد والعشب الاخْضَرْ