بديت العلاه وزاد هَمٍ حَرَقْني حَرْق
مَعَ لحظةٍ تِتْجاذَبْ الفكر مَخْطوفه
أمِد النظر وِيْزيد عوقي حمام الورْق
على ما علا من نايفه جَرّ مَعْزوفه
صحيح الجناح إنزاح بيني وبينك فَرْق
تطول المدى وانا منى النفس ما اشوفه
عسى من سَرَقْني في لقاه المفارَقْ سَرْق
يطمِّن خفوقٍ ما نسى فضل مَعْروفه
والله لولا الدِّين وادرى الشَّرَفْ والحَق
إلزامهن فَرْضٍ وتفريطهن حوفه
لازوره مزونٍ ما سَرَيَ في دجاها بَرْق
سوى بَرْق قافٍ تجذبك صِيْغة حْروفه
غطَسْ بي غلاه العَف عمق البحور الزِّرْق
والا جيت أبَوْصِفْ ما جَرَيَ صِعْبَتْ وْصوفه
كِثِرْ ما حواه القلب في كل نبضة عِرْق
تجيبه حلوم الليل لى صَدَّتْ ظْروفه