وش هالصدف لى جَمّعتني أنا وْيَاكْ

صدفه جميله ليتها تْكون كل يوم

صدفه وياما احلى الصدف ساعة ألقاك

يا من له عْيوني وروحي له آسوم

قلت يا هلا مليون والقلب لبَّاك

وعيوني تْتَّرْجِمْ أحاسيس وعْلوم

شفت الحسن والنور أصله محيّاك!!

كنّه قمر أربع عشر بان وِنْجوم

الله واكبر ما حلا بسمة شْفاك

صبحٍ تجلَّى يفرج هْموم وِهْموم

والعين ما شافت أبَدْ مثل عيناك

حسبي العيون اللي بها بَرْد وِسْموم!!