عِز البلاد

الاربعا يوم أربعه من يناير

خَيَّم علينا حزن فقدان غالي

صدرونا قامت تملاَّ عباير

واللي نذوقه مر لو كان حالي

جرحٍ عميقٍ لاجيٍ في الضماير

ما يِنْتَعَالَجْ مَعْ مرور الليالي

حزنٍ على (دولة الامارات) جاير

ننعي الزعيم ابن الزعيم المثالي

(مكتوم) لى بالعِز والحق ساير

عِز البلاد شْيوخها والأهالي

كل الوزارات وجميع الدواير

كلٍ يقول أوَّاه يا وجد حالي

واللي ما يحزن من رجال العشاير

أشْرِطْ عليه أنّه من العقل خالي

مرحوم ياللي للعلا ما يخاير

ويذلِّل الصعبات والراس عالي

يعطي على كسب الجميل البشاير

الطيب من عاداته أوّل وتالي

لي ما يبيه يْصير ما هو بصاير

واللي يبيه يْصير يا هَمّلالي

عساه بالفردوس يسكن عماير

مْزخرفاتٍ بالذهب واللآلي

بجاه من يعلَمْ خفيّ السراير

جل وعلا فوق الثقلين والي