الله خَلَقْ عبده عَشَانْ العباده

ما هو عَشَانْ مْفَاخَرْ العِرْق بالعِرْق

صَحّ ان في الدنيا عبيدٍ وساده

لكن عنْد الله ما بينهم فَرْق

خَلّك بسيط.. الكِبْر ما هو بعاده

لا تسرقك دنياك عن خلْقِتِكْ سَرْق

خَلّك صبور وْخَلّ عندك إراده

لا صِدْت وَثِّقْ لا تجي صيدتك زَرْق

واذا عشقت اعْشَقْ من الحُور غاده

حوريّةٍ في بَحْرَها يحيي الغَرْق

إن زْعِلَتْ زانت بعينك زياده

وان ضْحِكَتْ كنْها تنافَسْ مَعَ البَرْق

واذا تدوِّرْ في الحياه السعاده

إسْجِدْ لربّك خالِقْ الغَرْب والشَّرْق