أحب هالدار ما ادري ليه واعشقها
اللي غلاها تمكّن وسط شرياني
مبطي وقلبي يواعدها وَوَافِقْها
مستوطنه بالحنايا ما لها ثاني
سبحانه الواحد المعبود عَلّقها
في جوف صدري واحاسيسي وْوِجْداني
أحلى معاني حروف الشِّعر واصدقها
تجبرني أكْتِبْ قصيده واعْزِفْ ألحاني
للدوله اللي تضم القلب وافهقها
عن غيرها من بعيد الكون والداني
حرّه ومات الزعيم الليث واعتقها
ثم استلمها (خليفه) فزعة العاني
(زايد) جَعَلْها مع التطوير واغرقها
بالجود والسمعه اللي ما لها اثماني
تاريخ عصر الحضاره صعب يلحقها
طافت على مَرْحَلَتْهَا وَقْت وازماني
(زايد) عسَفْها زمانٍ راح واطلقها
للمجد ثم استلمها طير حوراني
وصيّة الوالد المرحوم حَقَّقْها
واصل مسيره وْكَمَّلْ نهضة الباني
الله يا مَبْعَدْ الأفكار واعمقها
عند السياسي (خليفه) شانها شاني
يا اهل الإمارات كلمة حق ما اصدقها
(زايد) توفّى وجاكم (زايد) الثاني