كامله بالزين وِكْفايه

المثل يعني الخليجيّه

من بنات الحور منقايه

والشَّعَر عَ مضمره ليّه

راتعه في دار مسمايه

للشبه ولد الدمانيّه

حسرتي من ما بي غْنايه

بحت بمّا بيّحت فيّه

لايمي ما عنده دْرايه

والهوى حرّات مخفيّه

مركبي تلعب به المايه

سجي والنسناس غربيّه

شوفني في الرد لي حايه

تشتبك لِخْطوط والضيّه

شاعره ما لچ بْبَلوايه

تنقشين جْروحي الحَيّه

كل حدٍ يعتمد رايه

في هوى نفسه والبغيّه

في جميل العود والهايه

ولى عشق ما ينطلب حِيّه