مِ اليوم الأوّل لي نظرته على يْديك
وقبل الهدد لى راح به وانطلاقه
شفت الطيور أتباع عنده مماليك
له هيبةٍ فيها شموخ ووثاقه
قريت في وجهه فعولٍ تنّبيك
مثل الموادع لى تحس بْفراقه
نادر وقاطع ما يهاب التهاليك
لي فرَّع يْطير الشرر من حداقه
طير السعد طير الهدد لى يعشّيك
عوق الخريش اللي سريع اصطفاقه
لو طار مَد الشوف مرهي ويشفيك
أوحي من المقذوف حين انزراقه
ساورنيه خوف الحدس قبل أعزّيك
لا شك شيٍ خارجٍ عن نطاقه
يا راعي الطولات لا غاب طاريك
يا اللي لك الفزعات شَفّ وْعشاقه
الله لا كدَّرْك ع فقد غاليك
وحظّك عسى دايم موالم وفاقه
واقبل تحيّة من يعزّك ويسميك
بالخير ما دارت لذكرك علاقه