من دون لا ترمس أحبّك واداريك
ما بيننا أحلى مخوّه وصداقه
ما لك عوض يا طير مَحْدٍ يساويك
إنت الذي لاجله أعاني فراقه
يا ليتها صدمه تجيني وانجّيك
لو كان عمري في ألم أو إعاقه
يا ليتها فيّه كسورك.. ولا فيك
إن كان تسلم مِ البكا مع مذاقه
وان كان قربي في جوارك يداويك
باوقف حذا جرحك واداوي ع فاقه
وآبار (مريم) عن همومك تنسّيك
وعلاج (كرْس) مْن الجلوكوز طاق
أنا مع (مْحَمَّد) بنوقف نحاذيك
لين الكسر يبرى ويشتد ساقه
وان شفت دستك في يساري واحاتيك
ما عاد باوقف لو تجيني الإعاقه
ما عاش من لي عرّضك أو معاديك
ما تشدّني بيني وبينه رفاقه
من دون لا ترمس أحبّك واداريك
إنت الذي لاجله أعاني فراقه
يا ليتها فيّه كسورك.. ولا فيك
لو كان عمري في ألم أو إعاقه