الله يا (سبعان الاشعار) كم راح

من عمرنا والدهر قاسي وجاير

لكنها الايام ما فيه مرتاح

كلٍ يضمّ الآه بجْناح طاير

لكننا نعزف على لحْن الافراح

ما دام كاس العمر ساقي وداير

لك شِعْر مثل الغيم في عين فلاّح

ومثل الألَم والجرْح بالروح غاير

يشبه هبوب الريح والليل مصباح

والفكر دفتر والمعاني عباير

يهزّني من داخلي وكلّي جْراح

ويزيدني عزمٍ على الجرح ثاير

الله من شِعْرٍ يرِدّ الذي راح

عن خاطرك ويْلوح مثل البشاير

مثل المطر يروي من الممحل بْطاح

ويجني عليك وللقصايد جراير

والشِّعر مثل الناس جدّي ومزّاح

والصادق مْن الناس والشِّعر حاير